ଭାରତୀୟ ନୂତନ ଜାତୀୟ ଶିକ୍ଷାନୀତି ଶୀର୍ଷକ ସଂକୁଳସ୍ତରୀୟ ପ୍ରଶିକ୍ଷଣ

ବାଙ୍କୀ ସଂକୁଳ ପ୍ରମୁଖ ଧରଣୀଦର ସାହୁ, ସଭାପତି ରଞ୍ଜନ କୁମାର ସାମନ୍ତରାୟ, ପ୍ରଧାନ ଆଚାର୍ଯ୍ୟ ନରେଶ କୁମାର ମନ୍ତ୍ରୀ ପ୍ରମୁଖ ବିଶିଷ୍ଠ ଅତିଥି ଭାବରେ ଉଦ୍ଦ୍‍ଘାଟନୀ ଭାଷଣ ଏବଂ ପ୍ରଶିକ୍ଷଣର ଆବଶ୍ୟକତା ସମ୍ପର୍କରେ ଆଲୋଚନା କରିଥିଲେ। ପ୍ରଶିକ୍ଷକ ବମଳ କୁମାର ରାଉତ, ଅରୂପ ପୃଷ୍ଟି, ଅକ୍ଷୟ କୁମାର ବେହେରା, ସାଗର ଜେନା,ସ୍ୱର୍ଣ୍ଣପ୍ରଭା ମହାପାତ୍ର ଏବଂ ସଞ୍ଜୟ କୁମାର ଜେନା ପ୍ରମୁଖ ପ୍ରଶିକ୍ଷଣ ପ୍ରଦାନ କରିଥିଲେ। ଜାତୀୟ ଶିକ୍ଷାନୀତିର ମୌଳିକ ଶବ୍ଦ, ଧନ୍ଦାମୂଳକ ଶିକ୍ଷା, କଳା କୌଶଳ ଶିକ୍ଷା, ଜୀବନ କୌଶଳ, କ୍ରୀଡା ଆଧାରିତ ଶିକ୍ଷା, ଭାରତୀୟ ଶିକ୍ଷା ମନୋବିଜ୍ଞାନ ଓ ଭାରତ ଦର୍ଶନ ସମ୍ପର୍କରେ ମୌଳିକ ତଥ୍ୟ ଓ ଅଭ୍ୟାସ ଧାରା ଆଲୋଚନା କରାଯାଇଛି। ଉଦଯାପନୀ ଅବସରରେ ସରସ୍ୱତୀ ଶିଶୁ ବିଦ୍ୟାମନ୍ଦିରର ସମ୍ପାଦକ ତାପସ କୁମାର ଦାସ ଏବଂ ପ୍ରଧାନ ଆଚାର୍ଯ୍ୟ ପ୍ରଶିକ୍ଷାର୍ଥି ମାନଙ୍କୁ ପ୍ରଶିକ୍ଷଣର ଅଭିଜ୍ଞତା ଓ ବୌଦ୍ଧିକ ଶିକ୍ଷା ଆହାରଣର ଉପାଦେୟତାର ଆବଶ୍ୟକତାକୁ ଆଲୋକପାତ କରି ଧନ୍ୟବାଦ ଜଣାଇଛନ୍ତି। ଏହି ପ୍ରଶିକ୍ଷଣରେ ୬ଟି ବିଦ୍ୟାଳୟର ଅନ୍ୟୁନ ୯୦ଜଣ ଶିବିରାର୍ଥୀ ଯୋଗଦାନ କରିଛନ୍ତି।