ନୂଆଦିଲ୍ଲୀ,୯/୨: ବର୍ଷ ୨୦୨୦ରେ ପାଖାପାଖୀ ୧୩ଟି ପୂର୍ଣ୍ଣିମା ପଡୁଥିବାବେଳେ ୯ ଫେବ୍ରୁଆରି ଅର୍ଥାତ୍ ରବିବାରରେ ପଡୁଥିବା ପୂର୍ଣ୍ଣିମା ରାତ୍ରିରେ ସୁପରମୁନ୍ ଦୃଶ୍ୟମାନ ହେବ। ଏହି ସମୟରେ ଜହ୍ନ ପୂର୍ବଠାରୁ ଅଧିକ ବଡ ଓ ଚମକଦାର ଦେଖାଯିବ। ପାଶ୍ଚାତ୍ୟ ଦେଶର ବୈଜ୍ଞାନିକମାନେ ଏହାକୁ ‘ସ୍ନୋ ମୁନ୍’ ଭାବେ ନାମକରଣ କରିଛନ୍ତି। ସୂଚାନୁଯାୟୀ, ଚନ୍ଦ୍ରମା ଓ ପୃଥିବୀର ଦୂରତା ୪,୦୬,୬୯୨ କିମି। ମାତ୍ର ଯେତେବେଳେ ଚନ୍ଦ୍ରମା ଓ ପୃଥିବୀର ଦୂରତା କମ୍ ହୋଇଥାଏ, ସେତେବେଳେ ଏହି ସୁପରମୁନ୍ ଦେଖାଯାଏ। ଏହି ସମୟରେ ଚନ୍ଦ୍ରମାର ଆକାର ୧୪% ବଡ ଓ ୩୦% ଉଜ୍ୱଳ ଦେଖାଯାଏ। ନାସା ଅନୁସାରେ, ୧୯୭୯ ମସିହାରେ ସୁପରମୁନର ଅସ୍ଥିତ୍ୱ ପ୍ରଥମଥର ପାଇଁ ସାମନାକୁ ଆସିଥିଲା। ୨୦୨୦ର ୯ ଫେବ୍ରୁଆରୀ ପରେ ମାର୍ଚ୍ଚ, ଅପ୍ରେଲ ଓ ମେ’ରେ ସୁପରମୁନ୍ ଦେଖିଯାଇପାରେ। ଶୁକ୍ରବାର ସନ୍ଧ୍ୟାରୁ ସୋମବାର ପର୍ଯ୍ୟନ୍ତ ଆକାଶରେ ସମ୍ପୂର୍ଣ୍ଣ ଜହ୍ନ ନଜର ଆସିବ। ଏହା ମଧ୍ୟରେ ଆଜି ବିଳମ୍ବିତ ରାତିରେ ସୁପରମୁନ୍ ଦେଖାଯିବ ବୋଲି ନାସା ବୈଜ୍ଞାନିକମାନେ କହିଛନ୍ତି।
More Stories
ଖଣ୍ଡପଡ଼ାରେ ଜୋର ଧରିଲା ସୌମ୍ୟ ବିରୋଧୀ ମେଳି
ରାଜ୍ୟରେ ତଳମୁହାଁ କରୋନା ଗ୍ରାଫ୍: ୨୪ ଘଣ୍ଟାରେ ୨୫୭ ସଂକ୍ରମିତ ଚିହ୍ନଟ
୨୧ ତାରିଖ ଇଡି ଅଫିସ ଘେରାଉ କରିବ କଂଗ୍ରେସ