କଟକ ରେଳ ଷ୍ଟେସନ ନିକଟରୁ ମୃତଦେହ ଉଦ୍ଧାର, ମିଳିନି ପରିଚୟ

କଟକ ୭।୮: କଟକ ରେଲୱେ ଷ୍ଟେସନ ନିକଟରୁ ମିଳିଥିବା ମୃତଦେହର ଏବେବି ପରିଚୟ ମିଳିପାରୁନି ।  ରେଲୱେ ଏସପି ଅଫିସ ନିକଟରେ ଯୁବକଙ୍କ ମୃତଦେହଟି ଠାବ ହୋଇଛି । ମୃତ ଶରୀରରେ ଅନେକ ଗଭୀର କ୍ଷତ ଚିହ୍ନ ରହିଛି ।  ତାଙ୍କ କପାଳରେ ମଧ୍ୟ କ୍ଷତ ଚିହ୍ନ ରହିଛି । ହତ୍ୟା କରି କେହି ଏଠାରେ ଫିଙ୍ଗି ଦେଇଥିବା ସନ୍ଦେହ କରାଯାଉଛି ।  ମୃତ ଯୁବକଙ୍କ ବୟସ ପ୍ରାୟ ୪୦ ବର୍ଷ ହେବ । ଘଟଣା ସ୍ଥଳରେ ଚାଉଳିଆଗଞ୍ଜ ଥାନା ପୋଲିସ ପହଞ୍ଚି ଛାନଭିନ୍‌ ଆରମ୍ଭ କରିଛି ।  ଅପମୃତ୍ୟୁ ମାମଲା ରୁଜୁ କରି ଜିଆରପି ଥାନା ପୋଲିସ ତଦନ୍ତ ଆରମ୍ଭ କରିଛି ।