ମାଟ୍ରିକ ପାସ୍‌ କଲେ ଦାନ ମାଝିଙ୍କ ଝିଅ: ଖୁସିରେ ବିଭୋର ହେଲେ ବାପା

ସୋସିଆଲ ମିଡିଆରେ ଭିଡିଓ ଭାଇରାଲ ହୋଇଥିଲା। ସରକାରଙ୍କ ବ୍ୟବସ୍ଥା ପ୍ରତି ସବୁଆଡୁ ଆଙ୍ଗୁଳି ଉଠିଥିଲା। ଚାରି ଆଡୁ ତାଙ୍କ ପ୍ରତି ସହାୟତାର ସୁଅ ଛୁଟିଥିଲା। ଏପରିକି ବାହାରିନର ପ୍ରଧାନମନ୍ତ୍ରୀ ଦାନମାଝିଙ୍କୁ ୯ ଲକ୍ଷ ଟଙ୍କା ସହାୟତା ଦେଇଥିଲେ। ଇତି ମଧ୍ୟରେ ଘଟଣାର ୫ବର୍ଷ ବିତିଗଲଣି। ଦାନ ମାଝିଙ୍କ ବଡଝିଅ ଚାନ୍ଦିନୀ ପାଠ ପଢିଛି। ମାଟ୍ରିକ ପରୀକ୍ଷା ଦେଇଛି। ଗତକାଲି ଝିଅର ପରୀକ୍ଷା ଫଳ ବାହାରିଛି।  ଚାନ୍ଦିନୀ ୨୮୦ ନମ୍ବର ରଖି ମାଟ୍ରିକ ପାସ କରିଛି। ଏହାକୁ ନେଇ ଦାନ ମାଝିଙ୍କ ପରିବାରରେ ଖୁସିର ମାହୋଲ ଦେଖାଦେଇଛି। ଖାଲି ତାଙ୍କ ପରିବାର ନୁହେଁ, ସାରା ଗାଁ ଲୋକେ ମଧ୍ୟ ଚାନ୍ଦିନୀର ସଫଳତାରେ ବେଶ ଖୁସି ହୋଇଛନ୍ତି।