ଚଳିତବର୍ଷ କେବଳ ପୁରୀରେ ରଥଯାତ୍ରା; ଅନ୍ୟତ୍ର ରଥଯାତ୍ରା ପାଇଁ ଆବେଦନକୁ ପ୍ରତ୍ୟାଖ୍ୟାନ କଲେ ସୁପ୍ରିମ୍‌କୋର୍ଟ

ନୂଆଦିଲ୍ଳୀ: କରୋନା ହେତୁ ରଥଯାତ୍ରା ହେବ କି ନହେବ ସେ ନେଇ ବହୁ ଦ୍ବନ୍ଦ୍ବ ଉପୁଜିଥିବା ବେଳେ ପୂର୍ବରୁ ରାଜ୍ୟ ସରକାର କେବଳ ଜଗନ୍ନାଥଧାମ୍ ପୁରୀରେ କରୋନା କଟକଣା ମଧ୍ୟରେ ରଥଯାତ୍ରାକୁ ଅନୁମତି ପ୍ରଦାଦ କରିଥିଲେ। ମାତ୍ର ରାଜ୍ୟର ଅନ୍ୟ କେତେକ ଅଂଶ ଓ ସହରରେ ବି ରଥଯାତ୍ରାକୁ ଅନୁମତି ମିଳୁ ବୋଲି ସର୍ବୋଚ୍ଚ ନ୍ୟାୟାଳୟରେ ଏକାଧିକ ମାମଲା ଆଗତ ହୋଇଥିଲା। ଯାହାର ଶୁଣାଣି କରି ଅଦାଲତ ସେହି ସବୁ ଆବେଦନକୁ ପ୍ରତ୍ୟାଖ୍ୟାନ କରି ଦେଇଛନ୍ତି।

ଭାରତର ପ୍ରଧାନ ବିଚାରପତି ଏନ ଭି ରାମନାଙ୍କ ଦ୍ବାରା ଗଠିତ ଏକ ତିନି ଜଣିଆ ଖଣ୍ଡପୀଠରେ କୁହାଯାଇଛି ଯେ ‘ଚଳିତବର୍ଷ କୋଭିଡ୍‌-୧୯ ମହାମାରୀ ହେତୁ ଅଧିକ ଲୋକ ପ୍ରାଣ ହରାଇଛନ୍ତି। ଗତବର୍ଷ ମୃତ୍ୟୁ ସଂଖ୍ୟା ଏହା ତୁଳନାରେ ଖୁବ୍ କମ୍‌ ଥିଲା।’ ଏହାକୁ ଦୃଷ୍ଟିରେ ରଖି ସର୍ବୋଚ୍ଚ ନ୍ୟାୟାଳୟ ପୁରୀ ବ୍ୟତୀତ ଆଉ ସମସ୍ତ ସ୍ଥାନରେ ରଥଯାତ୍ରାକୁ ନା କହିଛନ୍ତି।