ଜନ୍ମମାଟି କୁସୁପୁରରେ ପଲ୍ଲୀକବି ନନ୍ଦକିଶୋର ବଳଙ୍କ ୧୪୬ତମ ଜୟନ୍ତୀ ପାଳିତ

କୁଆଁପାଳ: କଟକ ଜିଲ୍ଲା ମାହାଙ୍ଗା ବ୍ଲକ କୁସୁପୁର ପଂଚାୟତ ପଲ୍ଲୀ କବି ସ୍ମୃତି ଭବନ ପରିସରରେ ଓଡିଶା ସାହିତ୍ୟ ଏକାଡେମୀ ପକ୍ଷରୁ ପଲ୍ଲୀକବି ନନ୍ଦ କିଶୋର ବଳଙ୍କ ଜୟନ୍ତୀ ପାଳିତ ହୋଇଯାଇଛି। ଆଇନଜିବୀ ଶ୍ରୀବନ୍ତ ଜେନାଙ୍କ ଅଧକ୍ଷତାରେ ଆୟୋଜିତ ସାହିତ୍ୟ ସଭାରେ ମୁଖ୍ୟ ଅତିଥି ଭାବେ କିସ ଓ କିଟ ସଭାପତି ଶାଶ୍ୱତ ବଳ ଯୋଗଦେଇ ଯୋଗ ଜନ୍ମା, ମହାନ ଜନନାୟକ ପଲ୍ଲୀକବିଙ୍କ ପଲ୍ଲୀ ପ୍ରକୃତି ଓ ସରଳ ଜୀବନର ନିଖୁଣ ଚିତ୍ର କାବ୍ୟ ବିଭବ ଓଡ଼ିଆ ସାହିତ୍ୟର ଶାଶ୍ୱତ ସମ୍ପଦ ବୋଲି ମତ ପୋଷଣ କରିଥିଲେ।

ବିଶିଷ୍ଟ ଅତିଥି ଭାବେ ଓଡିଶା ସାହିତ୍ୟ ଏକାଡେମୀ ସଦସ୍ୟ ମନୋଜ ପଟ୍ଟନାୟକ, ମୁଖ୍ୟ ବକ୍ତା ଭାବେ ବିଶିଷ୍ଟ ସାହିତ୍ୟିକ ଡ଼ଃ ଭାଗବତ ଶୁକ୍ଲା, ସମ୍ମାନିତ ଅତିଥି ଭାବେ ଜିଲ୍ଲା ପରିଷଦ ସଭ୍ୟାଙ୍କ ପ୍ରତିନିଧି କେଶବ କେହେଲା, ସରପଞ୍ଚ ପଙ୍କଜ କୁମାର ସାହୁ, ସମିତି ସଭ୍ୟ ପ୍ରଶାନ୍ତ କୁମାର ରାଉତ ରାୟ, ପଲ୍ଲୀ କବି ବିଦ୍ୟା ମନ୍ଦିର ପ୍ରଧାନଶିକ୍ଷକ ରଞ୍ଜନ କୁମାର କର ପ୍ରମୁଖ ଯୋଗଦେଇ ପଲ୍ଲୀକବିଙ୍କ ସାହିତ୍ୟ ସମ୍ଭାର ଓ ସାହିତ୍ୟ ରଚନା ଶୈଳୀର ବିଭିନ୍ନ ଦିଗ ଉପରେ ଆଲୋଚନା କରିଥିଲେ। ଓଡିଶା ସାହିତ୍ୟ ଏକାଡେମୀ ଉପବିଭାଗ ଅଧିକାରୀ ସଞ୍ଜୟ କୁମାର ଛୟଳ ସିଂହ ଅତିଥି ପରିଚୟ ଓ ସ୍ୱାଗତ ଭାଷଣ ପ୍ରଦାନ କରିଥିଲେ। କାର୍ଯ୍ୟକ୍ରମରେ ସୀତାନାଥ ନାୟକ, ପୂର୍ବତନ ପ୍ରଧାନ ଶିକ୍ଷୟତ୍ରୀ ଶକୁନ୍ତଳା ମହାନ୍ତି, ସାହିତ୍ୟିକା ପ୍ରମିଳା ପରିଡା, ଶିବ ପ୍ରସାଦ ସାହୁଙ୍କ ସମେତ ବହୁ ସାହିତ୍ୟିକ, କବି ଓ ବୁଦ୍ଧିଜୀବୀମାନେ ଅଂଶ ଗ୍ରହଣ କରିଥିଲେ।