ନୂଆଦିଲ୍ଲୀ: ବରିଷ୍ଠ ନେତା ଗୁଲାମ ନବୀ ଆଜାଦ କଂଗ୍ରେସ ଛାଡିବା ପରେ ଜାମ୍ମୁ କାଶ୍ମୀର ରାଜନୀତିରୁ ଗୋଟିଏ ପରେ ଗୋଟିଏ ବଡ଼ ଖବର ସାମନାକୁ ଆସୁଛି । ଜାମ୍ମୁ କାଶ୍ମୀରର ପାଞ୍ଚ ଜଣ ପୂର୍ବତନ ବିଧାୟକ କଂଗ୍ରେସର ହାତ ଛାଡିଛନ୍ତି । ୨୦୧୪ରେ ସମସ୍ତେ ଶେଷ ଥର ପାଇଁ ବିଧାନସଭା ନିର୍ବାଚନରେ କଂଗ୍ରେସ ଟିକେଟରୁ ନିର୍ବାଚିତ ହୋଇ ବିଧାୟକ ହୋଇଥିଲେ ।
ଜିଏମ ସରୁରୀ, ହାଜୀ ଅବଦୁଲ ରାଶିଜ, ମହମ୍ମଦ ଅମୀନ ଭଟ୍ଟ, ଗୁଲଜାର ଅହମଦ ୱାନୀ ଏବଂ ଚୌଧୁରୀ ମହମ୍ମଦ ଅକରମ କଂଗ୍ରେସର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି । ଏହାସହ ଗୁଲାମ ନବୀ ଆଜାଦଙ୍କୁ ନିଜର ସମର୍ଥନ ଜଣାଇଛନ୍ତି । ଏହି ପାଞ୍ଚ ବିଧାୟକ ଏବଂ ମନ୍ତ୍ରୀ ସହ ପୂର୍ବତନ ମନ୍ତ୍ରୀ ଆର ଏସ ଚିବ, ପୂର୍ବତନ ମନ୍ତ୍ରୀ ଜୁଗଳ କିଶୋର ଶର୍ମା ଏବଂ ମହାସଚିବ ଅଶ୍ୱିନୀ ହାଣ୍ଡା ମଧ୍ୟ ଇସ୍ତଫା ଦେଇଛନ୍ତି ।
ବରିଷ୍ଠ ନେତା ଗୁଲାମ ନବୀ ଆଜାଦ ଶୁକ୍ରବାର କଂଗ୍ରେସକୁ ଛାଡିଥିଲେ । ସେ ଦଳର ସମସ୍ତ ପଦ ଏବଂ ସଦସ୍ୟତାରୁ ଇସ୍ତଫା ଦେଇଥିଲେ । ଏହାପରେ ଜାମ୍ମୁ କାଶ୍ମୀରରେ ଗୁଲାମ ନବୀ ଆଜାଦ ନିଜର ଏକ ଦଳ ଗଠନ କରିବେ ବୋଲି ଘୋଷଣା କରିଥିଲେ । ଗତ କିଛି ଦିନ ଧରି ହାଇକମାଣ୍ଡଙ୍କ ନିଷ୍ପତ୍ତିକୁ ନେଇ ସେ ଅସନ୍ତୁଷ୍ଟ ଥିଲେ। ଏହି କାରଣରୁ ସେ କଂଗ୍ରେସ ଛାଡିଛନ୍ତି।
More Stories
କୌଣସି ପ୍ରସଙ୍ଗରେ ବିଜେପିକୁ ସମର୍ଥନ କରିବା ନାହିଁ ବିଜେଡି
ଜୁନ ୨୫କୁ କଳା ଦିବସ ପାଳନ କରିବ ବିଜେପି
ରାଜ୍ୟର ସବୁ ବ୍ଲକରେ ଶୀତଳ ଭଣ୍ଡାର