ନିୟମ ମାନୁନଥିବା ବାର୍ ମାଲିକଙ୍କୁ ଡିସିପିଙ୍କ କଡ୍ଡା ତାଗିଦ୍

ଭୁୁବନେଶ୍ୱର ୨୭/୧୦: ବିଳମ୍ବରେ ଭାଙ୍ଗିଲା କମିଶନରେଟ ପୋଲିସର ନିଦ । ବିଳମ୍ବିତ ରାତି ଯାଏ ବାରରେ ନାଚୁଛନ୍ତି ବାର ଗାର୍ଲ ଆଉ ନିଶାରେ ଝୁମୁଛନ୍ତି ନିଶାଡ଼ି । ନିୟମ ମାନୁ ନାହାନ୍ତି କିଛି ବାର ମାଲିକ । ଅବକାରୀ ବିଭାଗର ଚଢ଼ାଉ ପରେ ବାର ମାଲିକଙ୍କୁ ତାଗିଦ କଲେ ଭୁବନେଶ୍ୱର DCP ।

ଡ୍ୟାନ୍ସବାର ଭିତରେ ମ୍ୟୁଜିକ୍ ବଜାଇବା ପାଇଁ ଅନୁମତି ନେଇ ନିୟମ ଉଲଂଘନ କରୁଛନ୍ତି ବାର ମାଲିକ । ଗତ କାଲି ରାଜଧାନୀରେ ନିୟମ ଉଲଂଘନ ଯୋଗୁଁ ୩ ବାରକୁ ସିଲ କରିବା ସହ ୩ ବାରକୁ କାରଣ ଦର୍ଶାଅ ନୋଟିସ ଜାରି କରିଥିଲା ଅବକାରୀ ବିଭାଗ । ରାଜଧାନୀରେ କୌଣସି ବାରରେ ମିଉଜିକ ବଜାଇବା ପାଇଁ ଅନୁମତି ଦିଆଯାଇନାହିଁ । ଏନେଇ ସୂଚନା ଦେଇଛନ୍ତି ଡିସିପି ଉମାଶାଙ୍କର ଦାଶ ।