ପାଣି ପାଇଁ ମହାଭାରତ: ଦୁଇ ପରିବାର ମଧ୍ୟରେ ମାରପିଟ୍ ଓ ପଥର ମାଡ଼, ୫ ଆହତ

ଆଠଗଡ ୪/୭: ପାଣି ମାହାରାକୁ ନେଇ ଦୁଇ ପରିବାର ମଧ୍ୟରେ ସଂଘର୍ଷ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି କଟକ ଜିଲ୍ଲା କାନପୁର ଥାନା ଅନ୍ତର୍ଗତ ଆତଣ୍ଡା ଗ୍ରାମରେ । ପାଣି ମାହାରାକୁ ନେଇ ଦୁଇ ପରିବାର ମଧ୍ୟରେ ମାରପିଟ ଓ ପଥର ମାଡ଼ । ଉଭୟ ପରିବାରର ପାଞ୍ଚ ଜଣ ଆହତ ହୋଇଛନ୍ତି । ଗୁରୁତରଙ୍କୁ ପ୍ରଥମେ କାନପୁର ଡାକ୍ତରଖାନା ରେ ଭର୍ତ୍ତି କରାଯାଇଥିଲା ।

ସେମାନଙ୍କ ମଧ୍ୟରୁ ଦୁଇ ଜଣଙ୍କ ଅବସ୍ଥା ଗୁରୁତର ହେବାରୁ ଡାକ୍ତର ସେମାନଙ୍କୁ କଟକ ବଡ଼ଡାକ୍ତରଖାନାକୁ ପଠାଇଦେଇଛନ୍ତି । ସୂଚନା ଅନୁଯାୟୀ ଆତଣ୍ଡା ଗ୍ରାମ ପଛ ପାଖ ଦେଇ ଯାଇଥିବା ଏକ ପାଣି ମାହାରା ଉପରେ ଗୋଟିଏ ପରିବାର ଲୋକ ମାଟି ପକାଇ ଦେବାରୁ ଅନ୍ୟ ପରିବାର ଲୋକ ଏ ବାବଦରେ ଗ୍ରାମର ସଭାପତି ଙ୍କୁ ଜଣାଇଥିଲେ । ଗାଁର ସଭାପତି ପାଣି ମାହାର ପାଖକୁ ଯାଇ କଣ ହୋଇଛି ତାହା ଦେଖୁଥିବା ସମୟରେ ସେଠାରେ ଉପସ୍ଥିତ ଥିବା ଉଭୟ ପରିବାର ଲୋକଙ୍କ ମଧ୍ୟରେ ବଚସା ହୋଇଥିଲା ।

ବଚସା ପରେ ଉଗ୍ର ରୂପ ଧାରଣ କରିଥିବା ବେଳେ ଉଭୟ ପରିବାର ପରସ୍ପରକୁ ପଥର ମାଡ଼ କରିବା ସହିତ ଠେଙ୍ଗାରେ ପିଟାପିଟି ହୋଇଥିଲେ । ଉଭୟ ପରିବାରର ପାଞ୍ଚ ଜଣ ଗୁରୁତର ଆହତ ହୋଇଛନ୍ତି ।ଗୁରୁତରଙ୍କୁ ପ୍ରଥମେ କାନପୁର ଡାକ୍ତରଖାନା ରେ ଭର୍ତ୍ତି କରାଯାଇଥିଲା ବେଳେ ସେମାନଙ୍କ ମଧ୍ୟରୁ ଦୁଇ ଜଣ ଙ୍କ ଅବସ୍ଥା ବେଶି ଗୁରୁତର ହେବାରୁ ଡାକ୍ତର ସେମାନଙ୍କୁ କଟକ ବଡ଼ଡାକ୍ତରଖାନାକୁ ପଠାଇଦିଆଯାଇଛି । କାନପୁର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।