ବନ୍ତଳା: ଅନୁଗୁଳ ସଦର ଥାନା ଅଧିନ ସାବଳଭଙ୍ଗା ନିକଟରେ ଆଜି ସନ୍ଧ୍ୟାରେ ବାଇକ୍କୁ ଦ୍ରୁତଗାମୀ ଯାତ୍ରୀବାହୀ ଅଟୋ ଧକ୍କା ଦେବାରୁ ଘଟଣାସ୍ଥଳରେ ଜଣେ ମହିଳାଙ୍କ ସମେତ ୨ ଜଣଙ୍କର ମୃତ୍ୟୁ ହୋଇଛି। ମୃତକ ମାନେ ହେଲେ ଅନୁଗୁଳ ଟାଉନ୍ ଥାନା ଅଧିନ ହୁଲୁରିସିଙ୍ଗା ଗାଁର ବୋଲି ଜଣାପଡ଼ିଛି।।
ସୂୂଚନା ଅନୁସାରେ ବାଇକ ଆରୋହୀ ଯୁବକଙ୍କ ସାଥୀରେ ଜଣେ ୨ ମହିଳା ଓ ୧୦ ବର୍ଷର ବାଳିକାଙ୍କୁ ନେଇ ବନ୍ତଳା ପଟରୁ ଅନୁଗୁଳ ଅଭିମୁଖେ ବାହାରିଥିଲେ। ବିପରୀତ ଦିଗରୁ ଦ୍ରୁତଗାମୀ ଅଟୋ ଯାଉଥିଲା। ସାବଳଭଙ୍ଗା ନିକଟରେ ଅଟୋର ଚାଳକ ଭାରସାମ୍ୟ ହରାଇ ବାଇକ୍କୁ ଧକ୍କା ଦେଇଥିଲେ। ଫଳରେ ଘଟଣାସ୍ଥଳରେ ହିିଁ ବାଇକ୍ ଆରୋହୀ ଓ ବାଳିିକାର ମୃତ୍ୟୁ ହୋଇଥିଲା। ଅଟୋ ଚାଳକ ଓ ବାଇକ୍ ଥିବା ୨ ମହିଳା ଆହତ ହୋଇଛନ୍ତି। ସୂଚନା ପାଇ ପୁଲିସ ଘଟଣାସ୍ଥଳକୁ ପହଁଚିଛି। ଆହତ ୩ ଜଣଙ୍କୁୁ ଅନୁୁଗୁଳ ଜିଲ୍ଲା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି। ରିପୋର୍ଟ ଲେଖାଯିବା ବେଳକୁ ଚାପା ଉତ୍ତେଜନା ଦେଖାଯାଇଥିବା ବେଳେ ଉଭୟ ପାର୍ଶ୍ବରୁ ଯାନବାହନ ଚଳାଚଳ ବନ୍ଦ ରହିଛି।
More Stories
୨ଟି ରାଜ୍ୟର ଅଧ୍ୟକ୍ଷ ଓ ୬ଟି ରାଜ୍ୟର ପ୍ରଭାରୀ ନିଯୁକ୍ତ କଲା ବିଜେପି
କୌଣସି ପ୍ରସଙ୍ଗରେ ବିଜେପିକୁ ସମର୍ଥନ କରିବା ନାହିଁ ବିଜେଡି
ଜୁନ ୨୫କୁ କଳା ଦିବସ ପାଳନ କରିବ ବିଜେପି