ବିବାହିତା ମହିଳାଙ୍କୁ ଗାଧୁଆ ଘରକୁ ଉଠାଇନେଇ ଦୁଷ୍କର୍ମ ଅଭିଯୋଗ, ଜଣେ ଗିରଫ

ପାଟଣା ୭।୮: କେନ୍ଦୁଝର ଜିଲ୍ଲା ପାଟଣା ଥାନା ଝାଟିପଡା ଗ୍ରାମରେ ଜଣେ ବିବାହିତା ମହିଳାଙ୍କୁ ଘରେ କେହି ନଥିବା ବେଳେ ଜୋର ଜବରଦସ୍ତ ଭାବରେ ଗାଧୁଆ ଘରକୁ ନେଇ ଦୁଷ୍କର୍ମ କରିଥିବା ଅଭିଯୋଗ । ଉକ୍ତ ଗ୍ରାମର ମଦନ ଗୋପାଳ ବାରିକକୁ ପାଟଣା ପୋଲିସ ଶନିବାର ଗିରଫ କରି କୋର୍ଟ ଚାଲାଣ କରିଛି ।

ସୂଚନା ଅନୁସାରେ ଅଭିଯୁକ୍ତ ମଦନ ଗୋପାଳ ବାରିକ ଗତ ଗୁରୁବାର ରାତିରେ ମହିଳାଙ୍କ ଘରେ ପଶି ମହିଳାଙ୍କୁ ଦୁଷ୍କର୍ମ କରିଥିଲା । ଏନେଇ ମହିଳା ଜଣଙ୍କ ଥାନାରେ ଅଭିଯୋଗ କରିବା ପରେ ପାଟଣା ପୋଲିସ ଘଟଣାର ତଦନ୍ତ କରି ଉଭୟଙ୍କ ଡାକ୍ତରୀ ମାଇନା ପରେ ଅଭିଯୁକ୍ତ ମଦନ ଗୋପାଳକୁ ଗିରଫ କରି କୋର୍ଟ ଚାଲାଣ କରିଛି। ଏନେଇ ପାଟଣା ଥାନା ରେ ୧୧୭/୨୧ ରେ ମାମଲା ରୁଜୁ ହୋଇଛି।