ମଦ ପିଇ ବାଇକ୍ ଚଳାଉଥିଲେ, ଅନ୍ୟ ଏକ ମୋଟର ସାଇକେଲକୁ ଦେଲେ ଧକ୍କା : ୩ ଗୁରୁତର

ଚାନ୍ଦବାଲି, ୦୨/୦୭: ଭଦ୍ରକ ଜିଲ୍ଲା ଚାନ୍ଦବାଲି ଆରଡ଼ି ମୁଖ୍ୟ ରାସ୍ତା କୁଲିବିନ୍ଧା ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ୨ ବାଇକ ମଧ୍ୟରେ ମୁହାଁମୁହିଁ ଧକ୍କା ହେବାରୁ  ୩ଜଣ ଗୁରୁତର ହୋଇଛନ୍ତି । ଗୁରୁତରଙ୍କ ମଧ୍ୟରୁ ୨ ଜଣଙ୍କୁ  ଚାନ୍ଦବାଲି ମେଡ଼ିକାଲରୁ କଟକ ସ୍ଥାନାନ୍ତର କରାଯାଇଛି ।

ମଦ ପିଇ ଗାଡି ଚଳାଇବାରୁ ଏହି ଦୁର୍ଘଟଣା ଘଟିଥିବା କୁହାଯାଉଛି । ସୂଚନା ଅନୁସାରେ, ମଦ୍ୟପାନ କରି ଦୁଇ ଯୁବକ ଚାନ୍ଦବାଲିରୁ ତେୁଲିଡ଼ିହି ଯାଉଥିଲେ । ଏହି ସମୟରେ କୁଲିବିନ୍ଧା ନିକଟରେ ବୀପରିତ ଦିଗରୁ ଆସୁଥିବା ଅନ୍ୟ ଜଣେ ବାଇକ ଆରୋହୀଙ୍କୁ ସେମାନେ ଧକ୍କା ଦେଇଥିଲେ । ଏହି ଦୁର୍ଘଟଣାରେ ୩ ଜଣଙ୍କୁ  ଗରୁତ୍ବର ଅବସ୍ଥାରେ ସ୍ଥାନୀୟ ଲୋକେ ଉଦ୍ଧାର କରି ଚାନ୍ଦବାଲି ମେଡ଼ିକାଲରେ ଭର୍ତ୍ତି କରିଥିଲେ , ସେମାନଙ୍କ ମଧ୍ୟରୁ ୨ ଜଣକୁ କଟକ ସ୍ଥାନାନ୍ତର କରାଯାଇଛି ।