ମରଣଯନ୍ତା ପାଲଟିଛି ଅକ୍ଷୟ ପଟ୍ଟନାୟକ ମାର୍ଗ

ବାଙ୍କୀ : ବାଙ୍କୀ ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ ଅକ୍ଷୟ ପଟ୍ଟନାୟକ ମାର୍ଗ ଏବେ ମରଣଯନ୍ତା ପାଲଟିଛି। ଦୀର୍ଘ ଦିନ ଧରି ଏହି ରାସ୍ତାଟି ବିପର୍ଯ୍ୟସ୍ତ ହୋଇଥିଲେ ମଧ୍ୟ ପ୍ରଶାସନିକ ଅଣଦେଖା କରାଯାଉଥିବା ଅଞ୍ଚଳବାସୀ ଅଭିଯୋଗ କରିଛନ୍ତି। ଖୋର୍ଦ୍ଧା-ବାଙ୍କୀ ମୁଖ୍ୟ ରାସ୍ତା ଠାରୁ ଏହି ରାସ୍ତାଟି ବାଙ୍କୀ-ବୈଦେଶ୍ୱର ମୁଖ୍ୟ ରାସ୍ତାକୁ ସଂଯୋଗ କରୁଛି। ଏହି ପାଶ୍ୱର୍ରେ ରହିଛି ସରସ୍ୱତୀ ଶିଶୁ ବିଦ୍ୟାମନ୍ଦିର,ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର। ଦୈନିକ ଶହଶହ ଛାତ୍ର ଛାତ୍ରୀ ଏହି ଏହି ରାସ୍ତାରେ ବିଦ୍ୟାଳୟକୁ ଯିବା ସମୟରେ ଖାଲରେ ପଡି ବିପଦ ଶଙ୍କୁଳ ପରିସ୍ଥିତିକୁ ସାମନା କରୁଛନ୍ତି।

ସେହିପରି ଏହି ରାସ୍ତାଟି ଦେଇ ଦୈନିକ ବାଙ୍କୀ ମହାବିଦ୍ୟାଳୟ,ରାଣୀ ଶୁକଦେଈ ମହିଳା ମହାବିଦ୍ୟାଳୟକୁ ବିଦ୍ୟାର୍ଥିଙ୍କ ଗମନା ଗମନ ବାଧା ଉପୁଜୁଛି। ବାଙ୍କୀ ଏନ.ଏ.ସି ଦ୍ୱାରା ପରିଚାଳିତ ବର୍ଯ୍ୟବସ୍ତୁ ପରିଚାଳନା କେନ୍ଦ୍ର ନିକଟରେ ଏଭଳି ବିପଦଜନକ ରାସ୍ତାର ଅବସ୍ଥା ନେଇ କର୍ତ୍ତୃପକ୍ଷ ଦୃଷ୍ଟି ନଦେବା ଦୁଃଖର ବିଷୟ ବୋଲି ଅଞ୍ଚଳବାସୀ କହିଛନ୍ତି। ରାସ୍ତାର ଉଭୟ ପାଶ୍ୱର୍ରେ ଦୁଇଟି ଖୋଲା କୁଣ୍ଡ ପରି ସ୍ଥାନ ଅଧିକ ବିପଦ ସଙ୍କୁଳ ପରିସ୍ଥିତି ବଢାଇବ ବୋଲି ସ୍ଥାନୀୟ ଅଞ୍ଚଳବାସୀ ଅଭିଯୋଗ କରିଛନ୍ତି। ରାସ୍ତାଟି ଗ୍ରାମ୍ୟ ଉନ୍ନୟନ ବିଭାଗକୁ ହସ୍ତାନ୍ତର କରାଯାଇଥିବା ହେତୁ ନିର୍ମାଣରେ ଏନ.ଏ.ସି କର୍ତ୍ତୃପକ୍ଷ ମନଦେଉନଥିବା ବିଶେଷ ସୂତ୍ରରୁ ଖବର ମିଳିଛି। ଯଥାଶୀଘ୍ର ରାସ୍ତାଟିକୁ ପୁନଃ ନିର୍ମାଣ କରାଯିବା ପାଇଁ ବିଭାଗୀୟ କର୍ତ୍ତୃପକ୍ଷ ଦୃଷ୍ଟି ଦେବାକୁ ଅନୁରୋଧ କରାଯାଇଛି।