Ukrainian firefighters extinguish a blaze at a warehouse after a bombing in Kyiv, Ukraine, Thursday, March 17, 2022. Russian forces destroyed a theater in Mariupol where hundreds of people were sheltering Wednesday and rained fire on other cities, Ukrainian authorities said, even as the two sides projected optimism over efforts to negotiate an end to the fighting. (AP Photo/Vadim Ghirda)
କିବ୍ : ଗତ ସପ୍ତାହରେ ୟୁକ୍ରେନର ବନ୍ଦର ନଗରୀ ମାରିଓପୋଲର ଏକ ଥିଏଟର ଉପରେ ରୁଷ ପକ୍ଷରୁ କରାଯାଇଥିବା ବୋମା ମାଡ଼ରେ ପ୍ରାୟ ୩୦୦ ଲୋକ ନିହତ ହୋଇଥିବା ଏକ ଅନ୍ତର୍ଜାତୀୟ ସମ୍ବାଦ ସରବରାହ ଏଜେନ୍ସି ରିପୋର୍ଟ ପ୍ରକାଶ କରିଛି । ମାରିଓପୋଲ ପ୍ରଶାସନ ଓ ପ୍ରତ୍ୟକ୍ଷଦର୍ଶୀଙ୍କ ବୟାନକୁ ଭିତ୍ତିକରି ଏହି ଅଟକଳ କରାଯାଉଛି ।
ଗତ ମାର୍ଚ୍ଚ ୧୬ ତାରିଖରେ ରୁଷ ପକ୍ଷରୁ ଏହି ଥିଏଟରରେ ଏକ ଶକ୍ତିଶାଳୀ ବୋମା ପକାଯାଇଥିଲା । ଏହି ସମୟରେ ଉକ୍ତ ଥିଏଟରରେ ପ୍ରାୟ ୧ ହଜାରରୁ ଅଧିକ ଲୋକ ଆଶ୍ରୟ ନେଇଥିଲେ । ଫଳରେ ଘଟଣାସ୍ଥଳରେ ହିଁ ୩୦୦ରୁ ଅଧିକ ଲୋକ ପ୍ରାଣ ହରାଇଥିଲେ । ଆହତଙ୍କ ସଂଖ୍ୟା ଆହୁରି ଅଧିକ ହୋଇଥିବା କୁହାଯାଉଛି ।
ମାରିଓପୋଲକୁ ଅଧିକାର କରିବାକୁ ରୁଷ ପକ୍ଷରୁ ଗତ ଏକ ସପ୍ତାହ ହେଲା ପ୍ରବଳ ଆକ୍ରମଣ କରାଯାଉଛି । ମୃତ୍ୟୁସଂଖ୍ୟା ଏତେ ଅଧିକ ହେଲାଣି ଯେ, ସ୍ଥାନୀୟ ଲୋକମାନେ ଏକ୍ସାଭେଟରରେ ଗାତଖୋଳି ଗଣକବର ଦେଉଛନ୍ତି ।
ଅନ୍ୟପକ୍ଷରେ ମାରିଓପୋଲରେ ଥିବା ସାଧାରଣ ନାଗରିକମାନଙ୍କୁ ଉଦ୍ଧାର କରିବାକୁ ପୁଣି ଥରେ ଏକ ଉଦ୍ୟମ ଆରମ୍ଭ କରିଛି ୟୁକ୍ରେନ । ୟୁକ୍ରେନର ଉପପ୍ରଧାନମନ୍ତ୍ରୀ ଇରିନି ଭେରେସଚୁକ କହିଛନ୍ତି ଯେ ଲୋକମାନଙ୍କୁ କାର ମାଧ୍ୟମରେ ଉଦ୍ଧାର କରାଯାଉଛି । ଯେଉଁମାନେ ନିଜ ଉଦ୍ୟମରେ ଖସିଯିବାକୁ ସକ୍ଷମ ହୋଇଛନ୍ତି ସେମାନଙ୍କୁ ନିକଟସ୍ଥ ସହର ଜାପୋରିଜିଆ ସହରରେ ଅପେକ୍ଷା କରିଥିବା ବସ ମାଧ୍ୟମରେ ସୁରକ୍ଷିତ ସ୍ଥାନକୁ ନିଆଯିବ ।
More Stories
କୌଣସି ପ୍ରସଙ୍ଗରେ ବିଜେପିକୁ ସମର୍ଥନ କରିବା ନାହିଁ ବିଜେଡି
ଜୁନ ୨୫କୁ କଳା ଦିବସ ପାଳନ କରିବ ବିଜେପି
ରାଜ୍ୟର ସବୁ ବ୍ଲକରେ ଶୀତଳ ଭଣ୍ଡାର