ମୁନିଗୁଡ଼ାରେ ମାଓ ତାଣ୍ଡବ: ଇନଫର୍ମର ସନ୍ଦେହରେ ଗ୍ରାମରକ୍ଷୀଙ୍କୁ ହତ୍ୟା

ରାୟଗଡ଼ା: ରାୟଗଡ଼ା ଜିଲ୍ଲା ଅମ୍ବାଦଳା ଥାନାର ଟିକରପଡ଼ା ଗ୍ରାମରେ ମାତିଲେ ମାଓବାଦୀ। ପୁଲିସ ଇନଫର୍ମର ସନ୍ଦେହରେ ଡିମିରିଗୁଡ଼ା ପଞ୍ଚାୟତରେ ଥିବା ଟିକରପଡ଼ା ଗ୍ରାମର ଗ୍ରାମରକ୍ଷୀଙ୍କୁ ହତ୍ୟା। ମାଓବାଦୀ ପୁଲିସ ଇନଫର୍ମର ସନ୍ଦେହରେ ଗ୍ରାମରକ୍ଷୀ ସନ୍ତୋଷ ଦଣ୍ଡସେନାଙ୍କୁ ହତ୍ୟା କରିଛନ୍ତି। ହତ୍ୟା ପରେ ମୃତଦେହ ନିକଟରେ ମାଓବାଦୀ ପୋଷ୍ଟର ଛାଡ଼ି ଯାଇଛନ୍ତି। ଆଗାମୀ ଦିନରେ ଯିଏ ମାଓ ସଂଗଠନ ବିରୋଧରେ ଯାଇ ପୁଲିସ ପାଇଁ କାମ କରିବ ତାକୁ ଏମିତି ମୃତ୍ୟୁ ଦଣ୍ଡ ଦେବାକୁ ମାଓବାଦୀ ଚେତାବନୀ ଦେଇଛନ୍ତି।