ରାଜ୍ୟ ସରକାରଙ୍କର ଅକ୍ଟୋବର ମାର୍ଗ‌ଦର୍ଶିକା : କଟକ-ଭୁବନେଶ୍ବରରେ କଟକଣା କଡ଼ାକଡ଼ି

ଭୁବନେଶ୍ବର : ରାଜ୍ୟ ସରକାର ଅକ୍ଟୋବର ମାସ ପାଇଁ  ମାର୍ଗ‌ଦର୍ଶିକା ଜାରି କରିଛନ୍ତି।  ଅକ୍ଟୋବର ଗାଇଡଲାଇନ୍‌ ନଭେମ୍ବର ୧ ଯାଏ ଜାରି ରହିବ। ପାର୍ବଣ ପାଇଁ କଟକ-ଭୁବନେଶ୍ବରରେ କଟକଣାକୁ କଡ଼ାକଡ଼ି କରାଯାଇଛି। ଟୁଇନ୍‌ ସିଟିରେ ଅକ୍ଟୋବର ୧୧ ରୁ ୨୦ ଯାଏ ରାତି ୮ରୁ ସକାଳ ୫ ଯାଏ ନାଇଟ୍‌ କର୍ଫ୍ୟୁ ବଳବତ୍ତର ରହିବ। ରାଜ୍ୟର ଅନ୍ୟ ସହରାଞ୍ଚଳରେ ରାତି ୧୦ ରୁ ସକାଳ ୫ ନାଇଟ୍‌ କର୍ଫ୍ୟୁ ଜାରି ହେବ। ସ୍ବତନ୍ତ୍ର ରିଲିଫ ଆୟୁକ୍ତ(ଏସଆରସି) ପ୍ରଦୀପ ଜେନା ଗୁରୁବାର ସନ୍ଧ୍ୟାରେ ଏ ସଂପର୍କରେ ସୂଚନା ଦେଇଛନ୍ତି। ପୂଜା ପାଳନ ପାଇଁ ଅଗଷ୍ଟ ୯ ତାରିଖରେ ଘୋଷଣା କରାଯାଇଥିବା ମାର୍ଗ‌ଦର୍ଶିକାକୁ ପାଳନ କରିବାକୁ ଏସଆରସି କହିଛନ୍ତି। ସମସ୍ତ ପୂଜା କମିଟି ଏହି କଟକଣା ମାନି ପୂଜା କରିବାକୁ କୁହାଯାଇଛି।