ହାଇଦରର ସ୍ତ୍ରୀ ଓ ସଂପର୍କୀୟଙ୍କ ସୂଚନା: ଗ୍ୟାଙ୍ଗଷ୍ଟରର ଦେହରେ ବାଜିଛି ଚାରିଟି ଗୁଳି

ବାଲେଶ୍ୱର: ବାଲେଶ୍ୱର ଜିଲ୍ଲା ମୁଖ୍ୟ ଚିକିତ୍ସାଳୟରେ ଥିବା ହାଇଦର ମୃତଦେହରେ ଏକାଧିକ ଗୁଳି ବାଜିଥିବା ଦେଖିବାକୁ ମିଳିଛି। ହାଇଦର ମୃତଦେହ ଫଟୋରୁ ଏହା ସ୍ପଷ୍ଟ ଭାବେ ଜଣାପଡ଼ୁଛି। ହାଇଦରର ହାତରେ ଗୁଳି ବାଜିବା ସହ ତାର ପେଟରେ ୩ଟି ଗୁଳି ବାଜିଛି। ଅଣ୍ଟା ଉପରକୁ ଗୋଟିଏ ଗୁଳି ଦାଗ ରହିଥିବାବେଳେ ପେଟ ଉପରକୁ ଛାତି ତଳକୁ ରହିଛି ଏକ ଗୁଳି ଚିହ୍ନ ରହିଛି। ସେହିପରି ବାମପଟ ଛାତିରେ ବାଜିଛି ଆଉ ଏକ ଗୁଳି।

ପୋଷ୍ଟମର୍ଟମ କରିବା ପୂର୍ବରୁ ହାଇଦରର ସ୍ତ୍ରୀ ଓ ସଂପର୍କୀୟଙ୍କୁ ଶବ ଗୃହକୁ ଯିବା ପାଇଁ ଅନୁମତି ଦେଇଥିଲା ପୁଲିସ। ସେମାନେ ବାହାରକୁ ବାହାରିବା ପରେ କହିଛନ୍ତି ହାଇଦର ଦେହରେ ୩ରୁ ୪ଟି ଗୁଳି ବାଜିଛି। ତାଙ୍କ ସ୍ତ୍ରୀ କହିଛନ୍ତି ଦୁଇ ହାତରେ ଦୁଇଟି ଗୁଳି ବାଜିଥିବାବେଳେ ଦେହରେ ବାଜିଛି ୩ଟି ଗୁଳି।