ରାଷ୍ଟ୍ରୀୟ ଲୋକ ଅଦାଲତ, ରାଜ୍ୟରେ ୧୨ ହଜାର ମାମଲା ଫଇସଲା

ସେହିଭଳି ୪୩ ହଜାର ୨୪୭ଟି ବିଚାରାଧୀନ ମାମଲା ମଧ୍ୟରୁ ୯ ହଜାର ୨୩ଟି ମାମଲା ଆପୋସ ବୁଝାମଣାରେ ଫଇସଲା କରାଯାଇଛି। ଜରିମାନା ଓ କ୍ଷତିପୂରଣ ବାବଦରେ ୯୧ କୋଟି ୫୮ ଲକ୍ଷ ୪ ହଜାର ୬୫୪ ଟଙ୍କା ଆଦାୟ ପାଇଁ ନିର୍ଦେଶ ଦିଆଯାଇଛି। ଫଇସଲା ହୋଇଥିବା ମାମଲାଗୁଡ଼ିକ ମଧ୍ୟରୁ ୩୬୮ ଫୌଜଦାରୀ (କ୍ରିମିନାଲ କମ୍ପାଉଣ୍ଡେବଲ), ୯୬୪ ଚେକ୍ ବାଉନ୍ସ, ୬୨୬ଟି ବ୍ୟାଙ୍କ ଋଣ, ୯୦୯ଟି ମୋଟରଯାନ ଦୁର୍ଘଟଣାଜନିତ, ୨୧ଟି ବିଦ୍ୟୁତ ଓ ଜଳ ଓ ଅନ୍ୟ ବିଲ୍ ସଂପର୍କିତ, ୫୭୬ଟି ପାରିବାରିକ ଓ ବୈବାହିକ ବିବାଦ, ୫୧ଟି ଭୂମି ଅଧିଗ୍ରହଣ ସମ୍ବନ୍ଧୀୟ, ୧୮ଟି ଚାକରି ସଂକ୍ରାନ୍ତୀୟ, ୧୩୫୪ଟି ଦେୱାନୀ ଓ ୪୦୭୬ଟି ଅନ୍ୟାନ୍ୟ ଫୌଜଦାରୀ ମାମଲା ଅନ୍ତର୍ଭୁକ୍ତ ବୋଲି ଓଡ଼ିଶା ରାଜ୍ୟ ଆଇନସେବା ପ୍ରାଧିକରଣ ପକ୍ଷରୁ ସୂଚନା ମିଳିଛି। ନୂଆଦିଲ୍ଲୀସ୍ଥିତ ନ୍ୟାସନାଲ ଲିଗାଲ୍ ସର୍ଭିସେସ୍ ଅଥରିଟି ନିର୍ଦେଶରେ ରାଜ୍ୟ ଆଇନସେବା ପ୍ରାଧିକରଣ ଆନୁକୂଲ୍ୟରେ ଏହି ରାଷ୍ଟ୍ରୀୟ ଲୋକ ଅଦାଲତ ଅନୁଷ୍ଠିତ ହୋଇଥିଲା।