୭ମ ବଦ୍ରିନାରାୟଣ ହୋତା ମେମୋରିଆଲ କ୍ରିକେଟ ପ୍ରତିଯୋଗିତା ଉଦଘାଟିତ

ସମ୍ବଲପୁର: ସମ୍ବଲପୁରର ଜଗନ୍ନାଥ କଲୋନୀ କ୍ରିକେଟ କ୍ଲବ ଆନୁକୂଲ୍ୟରେ ୭ମ ବଦ୍ରିନାରାୟଣ ହୋତା ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ ୨୦୨୨ ଗୁରୁବାର ଉଦଘାଟିତ ହୋଇଯାଇଛି। ସ୍ଥାନୀୟ କମିଶନର କଲୋନୀ କ୍ରିକେଟ ପଡିଆ ଠାରେ ୪ ଦିନ ବ୍ୟାପି ଅନୁଷ୍ଠିତ ହେଉଥିବା ଏହି ଟୁର୍ଣ୍ଣାମେଣ୍ଟ ଆସନ୍ତା ୨୭ ତାରିଖ ପର୍ଯ୍ୟନ୍ତ ହେବ। ଏଥିରେ ସ୍ପୋଟିଂ ୟୁୁନିୟନ, ରାଇଜିଂ ଷ୍ଟାର, ୪ସି, ଗୋଲଡେନ ଇଗଲ, ଜେସିସିସି, ହୀରାକୁଦ, ବ୍ଲୁ ଡାଇମଣ୍ଡ ଏବଂ ମାନେଶ୍ୱର ସମେତ ସମୁଦାୟ ୮ଟି ଦଳ ଅଂଶଗ୍ରହଣ କରୁଛନ୍ତି। ଗୁରୁବାର ପ୍ରଥମ ଦିବସରେ ଦୁଇଟି ମ୍ୟାଚ ଖେଳା ଯାଇଥିଲା। ପ୍ରଥମ ମ୍ୟାଚ ସ୍ପୋଟିଂ ୟୁନିୟନ ଓ ରାଇଜିଂ ଷ୍ଟାର ମଧ୍ୟରେ ଖେଳାଯାଇଥିଲା। ରାଇଜିଂ ଦଳ ଟସ ଜିଣି ପ୍ରଥମେ ବୋଲିଂ କରିଥିଲେ। ସ୍ପୋଟିଂ ଦଳ ନିର୍ଦ୍ଧାରିତ ୨୦ ଓଭରରେ ୬ ୱିକେଟ ବିନିମୟରେ ୧୮୭ ରନ ସଂଗ୍ରହ କରିଥିଲେ। ଏହାର ଜବାବରେ ରାଇଜିଂ ଦଳ ୧୯ ଓଭରରେ ମାତ୍ର ୭ ୱିକେଟ ହରାଇ ୧୯୦ ରନ ସଂଗ୍ରହ କରି ମ୍ୟାଚକୁ ଜିଣିଥିଲେ।