ନୂତନ ସ୍ୱଚ୍ଛ ସବାରୀ ଲୋକାର୍ପିତ

ଚୌଦ୍ୱାର : ଚୌଦ୍ୱାର ସହରରାଞ୍ଚଳରେ ସ୍ୱଚ୍ଛତା ରକ୍ଷା ଓ ପରିମଳ ବ୍ୟବସ୍ଥାକୁ ସୁଦୃଢ଼ କରିବା ଲକ୍ଷରେପୌରପାଳିକା ତରଫରୁ ବିଶେଷ ପ୍ରୟାସ ଆରମ୍ଭ କରାଯାଇଛି।  ଏଥିପାଇଁ ପୌରପାଳିକା ତରଫରୁ ୪ଟି ଆଧୁନିକ ସ୍ୱଚ୍ଛ ସବାରୀ କ୍ରୟ କରାଯାଇ କାର୍ଯ୍ୟକ୍ଷମ କରାଯାଇଛି । ପୌରପାଳିକା କାର୍ଯ୍ୟାଳୟ ପରିସରରେ ଏହି ଉପଲକ୍ଷେ ଆୟୋଜିତ କାର୍ଯ୍ୟକ୍ରମରେ ପୌରାଧ୍ୟକ୍ଷା ମାନସୀ ସ୍ୱର୍ଣ୍ଣପ୍ରଭା ସାମଲ ପତାକା ହଲାଇ ନୂତନ ସ୍ୱଚ୍ଛ ଗାଡିଗୁଡିକୁ ଲୋକାର୍ପିତ କରି ଏହି ଗାଡ଼ି ଗୁଡ଼ିକ ଦୈନିକ ଲୋକମାନଙ୍କ ଘରକୁ ଘର ବୁଲି ଓଦା ଓ ଶୁଖିଲା ବର୍ଜ୍ୟ ପଦାର୍ଥ ସଂଗ୍ରହ କରି ମୁଖ୍ୟ ଆବର୍ଜନା ସ୍ଥଳିରେ ପହଞ୍ଚାଇବ ବୋଲି ସୂଚନା ଦେଇଥିଲେ । ଉପାଧ୍ୟକ୍ଷ ଶୁଭେନ୍ଦୁ ସାମଲ, ପୌରନିର୍ବାହୀ ଅଧିକାରୀ ପବିତ୍ର କୁମାର ବେହେରା, ପୂର୍ବତନ ନଗରପାଳ ପ୍ରେମଚାନ୍ଦ ନାୟକ, କାଉନସିଲର ଲିଲିବାଳା ସାହୁ, ସବିତା ମାହାଳୀ, ସୁଜାତା ସାହୁ, ରଙ୍ଗଲତା ସାହୁ, କଲ୍ୟାଣୀ ସାହୁ, ବିନୋଦିନୀ ରାଉତରାୟ, ରଞ୍ଜୁଲତା ଦାସଙ୍କ ସମେତ ସମସ୍ତ ୱାର୍ଡ ପାରିଷଦ ତଥା ପୌର କର୍ମଚାରୀ କାର୍ଯ୍ୟକ୍ରମରେ ଉପସ୍ଥିତ ଥିଲେ ।