“ସଂକ୍ରମଣ କମିଛି, ଆଶଙ୍କା ଦୂର ହୋଇନି”

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ କମିଥିଲେ ବି ଆଶଙ୍କା ଦୂର ହୋଇନି। ଲୋକମାନେ ଢିଲା ନ ହୋଇ କୋଭିଡ୍ ନିୟମ ମାନନ୍ତୁ ନହେଲେ ପଜିଟିଭି ସଂଖ୍ୟା ପୁଣି ବଢିବ ବୋଲି କହିଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଂଜନ ମିଶ୍ର। ବର୍ତ୍ତମାନର ସ୍ଥିତି ଦେଖିଲେ ସାମଗ୍ରିକ ଭାବେ ରାଜ୍ୟରେ ପରିସ୍ଥିତି ସୁଧୁରୁଛି। ପ୍ରତିଦିନର ସଂକ୍ରମଣ କମିବା ସହ ସଂକ୍ରମଣ ହାର, ଆକ୍ଟିଭ କେସ ସଂଖ୍ୟା ଓ ହସ୍ପିଟାଲାଇଜ ପେସେଣ୍ଟଙ୍କ ସଂଖ୍ୟା କମିଛି। ଯେଉଁ ୫ ଜିଲ୍ଲାରେ ବର୍ତ୍ତମାନ ସଂଖ୍ୟା ଟିକିଏ ଅଧିକ ରହୁଛି ସେଠି ବି କମିବ ବୋଲି ସେ ଆଶା ପ୍ରକାଶ କରିଛନ୍ତି। ତେବେ ଯେଉଁ ଷ୍ଟ୍ରାଟେଜିରେ କାମ କରୁଥିଲେ ସେହି ଷ୍ଟ୍ରାଟେଜିକୁ ଆଉ କିଛି ଦିନ ଚାଲୁ ରଖିବାକୁ ପଡିବ। ତେବେ ଫେଜ୍ ଆକାରରେ ଜିଲ୍ଲା ଗୁଡିକୁ କୋହଳ କରାଯାଉଛି, ସେହି ଅନୁଯାୟୀ ନିଷ୍ପତ୍ତି ନିଆଯିବ ବୋଲି ସେ ସୂଚନା ଦେଇଛନ୍ତି।