କୋଣାର୍କ ୪।୭: କାକଟପୁର ଥାନା ଅନ୍ତର୍ଗତ ଓସ୍ତପୁର ଗ୍ରାମରେ ଏକ ଅମାନୁଷିକ ଏବଂ ହୃଦୟବିଦାରକ ଦୃଶ୍ୟ ଦେଖିବାକୁ ମିଳିଛି । ଜଣେ ଦିବ୍ୟାଙ୍ଗ ବୁଦ୍ଧାଙ୍କୁ କେହି ଜଣେ ଦୁର୍ବୃତ୍ତ ମରଣାନ୍ତକ ଆକ୍ରମଣ କରି ଲହୁଲୁହାଣ କରି ରାସ୍ତାରେ ଫୋପାଡି ଚାଲି ଯାଇଛି ।
ସୂଚନାଯୋଗ୍ୟ ଯେ, ଦୀର୍ଘଦିନ ହେବ ଏକ ଅଜଣା ଦିବ୍ୟାଙ୍ଗ ବୁଦ୍ଧା ଓସ୍ତପୁର ଗ୍ରାମରେ ମାଗିଯାଚି ଖାଇ ଜୀବନ ବିତାଉଥିଲେ । କିନ୍ତୁ ବୃଦ୍ଧା ଜଣଙ୍କ ଗ୍ରାମର ମୁଖ୍ୟ ରାସ୍ତାରେ ପଡି ଛଟପଟ ହେଉଥିବାର ଗ୍ରାମର କିଛି ଯୁବକ ଦେଖି ପ୍ରଥମେ ଚାରିଛକ ମେଡିକାଲରେ ଭର୍ତ୍ତି କରିଥିଲେ । ପରେ ଅବସ୍ଥା ଗୁରୁତର ହେବାରୁ ତାଙ୍କୁ ଭୁବେନେଶ୍ବର ସ୍ଥାନାନ୍ତର କରାଯାଇଛି ।
ସେପଟେ ଏପରି ଏକ ଘଟଣାକୁ ନେଇ ଗାଁ ଲୋକେ ଉତ୍ତ୍ୟକ୍ତ ହୋଇଥିଲେ । ପରେ କାକଟପୁର ପୋଲିସ ପହଞ୍ଚି ତଦନ୍ତ କରିବା ସହ ଦୋଷୀକୁ ତୁରନ୍ତ ଗିରଫ କରାଯିବ ବୋଲି ପ୍ରତିଶ୍ରୁତି ଦେଇଥିଲେ । କିଏ ସେ ଦୁର୍ବୃତ୍ତ କେଉଁଥିପାଇଁ ଏପରି ଘଟଣା ଘଟାଇଛି ତଦନ୍ତ ପରେ ସୂଚନା ଦିଆଯିବ ବୋଲି ପୋଲିସ କହିଛି ।
More Stories
୨ଟି ରାଜ୍ୟର ଅଧ୍ୟକ୍ଷ ଓ ୬ଟି ରାଜ୍ୟର ପ୍ରଭାରୀ ନିଯୁକ୍ତ କଲା ବିଜେପି
କୌଣସି ପ୍ରସଙ୍ଗରେ ବିଜେପିକୁ ସମର୍ଥନ କରିବା ନାହିଁ ବିଜେଡି
ଜୁନ ୨୫କୁ କଳା ଦିବସ ପାଳନ କରିବ ବିଜେପି