ଅମାନିଆଙ୍କ ପାଇଁ ସଂକ୍ରମଣ ଉପର ମୁହାଁ ହେଉଛି-ବିଜୟ ମହାପାତ୍ର

ଭୁବନେଶ୍ୱର: ରାଜ୍ୟର ଯେଉଁ ଯେଉଁ ଜିଲ୍ଲାରେ ସଂକ୍ରମଣ ହାର ଅଧିକ ରହିଛି ସେଠି ସ୍ୱତନ୍ତ୍ର ଷ୍ଟ୍ରାଟେଜି ଆପଣା ଯାଉଛି । ସର୍ଭିଲାନ୍ସଠୁ ଟିକାକରଣ ଯାଏଁ ସବୁକିଛିକୁ ତ୍ୱରାନ୍ୱିତ କରାଯାଉଛି । ଅମାନିଆଙ୍କ ପାଇଁ ସଂକ୍ରମଣ ତଳ ମୁହାଁ ହେଉନାହିଁ ବୋଲି କହିଛନ୍ତି  ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ।

ସେହିପରି ଗତକାଲି ଓଡ଼ିଶାରୁ ଗୋଟିଏ ଡେଲଟା ପ୍ଲସ ଭେରିଆଣ୍ଟ ଚିହ୍ନଟ ହେବା ପରେ ଚିନ୍ତା ବଢି ଯାଇଛି।  ଦେଶରେ ଚିହ୍ନଟ ମୋଟ ୪୮ଟି କେସ୍‌ରୁ ଓଡ଼ିଶାରେ ଗୋଟିଏ ରହିଛି।  ଅନ୍ୟପକ୍ଷେ କଟକ,ଭୁବନେଶ୍ୱରରେ ସଂକ୍ରମଣରେ ବ୍ରେକ ଲାଗି ପାରୁନି।  ସର୍ବାଧିକ ସଂକ୍ରମିତଙ୍କ ତାଲିକାରେ ୧ ନମ୍ବରରେ ରହିଛି ଖୋର୍ଦ୍ଧା ଜିଲ୍ଲା। ଖୋର୍ଦ୍ଧାରୁ ସବାଧିକ ୬୫୧ ପଜିଟିଭ୍‌ ବାହାରିଛନ୍ତି । ସେହିପରି ଗତକାଲି ଭୁବନେଶ୍ୱରରୁ ୩୪୩ ପଜିଟିଭ ବାହାରିଥିବାବେଳେ କ୍ୱାରେଣ୍ଟିନରେ ଥିଲେ ୮୬ ଓ ଲୋକାଲ କଣ୍ଟାକ୍ଟ୍‌ସ ଥିଲା ୨୫୭। ସେହିପରି ୨୪ ତାରିଖ  ୪୯୬ ଜଣ ପଜିଟିଭ ଚିହ୍ନଟ ହୋଇଛନ୍ତି। ଏଥିମଧ୍ୟରୁ କ୍ୱାରେଣ୍ଟିନରୁ ୮୯ ଥିବାବେଳେ ଲୋକାଲ କଣ୍ଟାକ୍ଟ ଥିଲା ୪୦୭ । ସେହିପରି ଜୁନ୍‌ ୨୩ ତାରିଖ  ଭୁବନେଶ୍ୱରରୁ ୩୭୫ ପଜିଟିଭ ବାହାରିଥିବାବେଳେ ୭୫ ଥିଲା କ୍ୱାରେଣ୍ଟିନ କେସ। ଲୋକାଲ କଣ୍ଟାକ୍ଟସ ଥିଲା ୩୦୦।  ଜୁନ୍‌ ୨୨ କେବଳ ଭୁବନେଶ୍ୱରରୁ ୩୩୯ ପଜିଟିଭ ବାହାରିଥିବାବେଳେ କ୍ୱାରେଣ୍ଟିନରୁ ୫୦ ଏବଂ ଲୋକାଲ କଣ୍ଟାକ୍ଟ ଥିଲେ ୨୮୯।