ପୌର ନିର୍ବାଚନ : ୭୩ ପ୍ରାର୍ଥୀ ନିର୍ଦ୍ବନ୍ଦ୍ବରେ ନିର୍ବାଚିତ

ଭୁବନେଶ୍ବର, ୨୪।୩ ରାଜ୍ୟରେ ପୌର ନିର୍ବାଚନ ପାଇଁ  ମତଦାନ ଶେଷ ହୋଇଛି। ରାଜ୍ୟରେ ୬୫ ପ୍ରତିଶତ ମତଦାନ ହୋଇଛି। ଅଳ୍ପ କିଛି ସ୍ଥାନକୁ ଛାଡିଦେଲେ ଅନ୍ୟ ସ୍ଥାନରେ ଶାନ୍ତି ଶୃଙ୍ଖଳାରେ ମତଦାନ ଶେ​‌ଷ ହୋଇଛି। କିଛି ସ୍ଥାନରେ ଇଭିଏମ ତ୍ରୁଟି ଯୋଗୁ ମତଦାନ ବିଳମ୍ବ ହୋଇଥିଲା। ତେବେ ପୌର ନିର୍ବାଚନରେ ୭୩ ପ୍ରାର୍ଥୀ ନିର୍ଦ୍ବନ୍ଦ୍ବରେ ନିର୍ବାଚିତ ହୋଇଛନ୍ତି। ୭୩ ରୁ ୬୯ ବିଜେଡି ପ୍ରାର୍ଥୀ ନିର୍ଦ୍ବନ୍ଦ୍ବରେ ନିର୍ବାଚିତ ହୋଇଛନ୍ତି। ଜଣେ ବିଜେପି, ଜଣେ କଂଗ୍ରେସ ଓ ୨ ସ୍ବାଧୀନ ପ୍ରାର୍ଥୀ ନିର୍ଦ୍ବନ୍ଦ୍ବରେ ନିର୍ବାଚିତ ହୋଇଛନ୍ତି।