ନୂଆଦିଲ୍ଲୀ: ପାଞ୍ଚଟି ରାଜ୍ୟରେ ବିଧାନସଭା ନିର୍ବାଚନରେ ପରାଜୟ ପାଇଁ କଂଗ୍ରେସର ବରିଷ୍ଠ ନେତା ମଲ୍ଲିକାର୍ଜୁନ ଖାଡ଼ଗେ ନିଜର ନେତା ତଥା ସହଯୋଗୀ ଦଳମାନଙ୍କୁ ଦାୟୀ କରିଛନ୍ତି। ସେ କହିଛନ୍ତି କଂଗ୍ରେସ ଦଳର ନେତାମାନେ ପଞ୍ଜାବରେ ସମସ୍ୟା ସୃଷ୍ଟି କରିଥିଲେ । ୨୦୨୨ ନିର୍ବାଚନରେ କଂଗ୍ରେସ ପଞ୍ଜାବରେ ପରାସ୍ତ ହୋଇଥିଲା ଏବଂ ଗୋଆରେ କଂଗ୍ରେସ ସରକାରକୁ ଫେରିପାରିନଥିଲା | ତେବେ ଏକ ସାକ୍ଷାତକାରରେ ଖଡ଼ଗେ କହିଛନ୍ତି ଯେ ଆମେ ହୁଏତ ନିର୍ବାଚନରେ ହାରିଯାଇଛୁ କିନ୍ତୁ ଆମେ ଆମର ଅସ୍ତିତ୍ବ ହରାଇନାହୁଁ |
ପଞ୍ଜାବରେ ପରାଜୟ ସମ୍ପର୍କରେ ସେ କହିଛନ୍ତି ଯେ ଆମ ଦଳର ଲୋକମାନେ ସମସ୍ୟା ସୃଷ୍ଟି କରିଥିଲେ । ଆଉ ନିଜ ଦଳର ଲୋକଙ୍କ ପାଇଁ ହାରିବାକୁ ପଡିଲା ବୋଲି ସିଏ କହିଛନ୍ତି | ଅନ୍ୟପଟେ ଗୋଆର ପରାଜୟ ପାଇଁ ସେ ସହଯୋଗୀ ଦଳମାନଙ୍କୁ ଦାୟୀ କରିଛନ୍ତି | ଖଡ଼ଗେ କହିଛନ୍ତି ଯେ ରାଜ୍ୟର ତଥାକଥିତ ଧର୍ମନିରପେକ୍ଷ ଦଳ ଆମର ଭୋଟ୍ ନଷ୍ଟ କରିଛନ୍ତି। ସେ କହିଛନ୍ତି ଯେ ଲୋକମାନେ ପଚାରୁଛନ୍ତି ଯେ ଆମେ କାହିଁକି ଅନ୍ୟ ଦଳଙ୍କୁ ସାଥିରେ ନେଇ ନିର୍ବାଚନ ଲଢ଼ିନଥିଲୁ |
ବାସ୍ତବରେ ଯେତେବେଳେ ଆମେ ଏହି ଦଳମାନଙ୍କୁ ସୁଯୋଗ ଦେଇଥାଉ, ସେମାନେ ଆମ ସ୍ଥାନ ନେଇଥା’ନ୍ତି | ସେ କହିଛନ୍ତି ଯେ ବିଜେପିକୁ ଦୁର୍ବଳ କରିବା ପରିବର୍ତ୍ତେ ସେମାନେ ପ୍ରକୃତରେ ଆମର ଭୋଟକୁ ନିଜ ଆଡକୁ ନେଇଥାନ୍ତି | ସେହିପରି ଖଡ଼ଗେ ମଧ୍ୟ ବିଜେପି ଉପରେ ପ୍ରଶ୍ନ ଉଠାଇଥିଲେ। ସେ କହିଛନ୍ତି ଯେ ଏହି ନିର୍ବାଚନରେ ଆମେ ସମ୍ପୂର୍ଣ୍ଣ ଭାବେ ମୂଳପୋଛ ହୋଇ ନାହୁଁ। ଯେଉଁଠାରେ ଆମେ ଶକ୍ତିଶାଳୀ ରହିଥାଉ, ସେହି ସ୍ଥାନରେ କଂଗ୍ରେସ ବିରୋଧରେ ସ୍ୱତନ୍ତ୍ର ଯୋଜନା ସହିତ ବିଜେପି ପ୍ରତିଶୋଧ ନେଇ କାର୍ଯ୍ୟ କରିଥାଏ |
More Stories
କୌଣସି ପ୍ରସଙ୍ଗରେ ବିଜେପିକୁ ସମର୍ଥନ କରିବା ନାହିଁ ବିଜେଡି
ଜୁନ ୨୫କୁ କଳା ଦିବସ ପାଳନ କରିବ ବିଜେପି
ରାଜ୍ୟର ସବୁ ବ୍ଲକରେ ଶୀତଳ ଭଣ୍ଡାର