ଭୁବନ ପୌର ନିର୍ବାଚନରେ ଗୋଷ୍ଠୀ କନ୍ଦଳ, ଖଣ୍ଡାରେ ପରସ୍ପରକୁ ଆକ୍ରମଣ କଲେ ଦୁଇ ଗୋଷ୍ଠୀ

ଭୁବନ, ୨୫/୦୩ : ଢେଙ୍କାନାଳ ଜିଲ୍ଲା ଭୁବନ ପୌର ନିର୍ବାଚନରେ ଗୋଷ୍ଠୀ କନ୍ଦଳ। ଭୁବନ ବିଜ୍ଞାପିତ ଅଞ୍ଚଳ ପରିଷଦର ୧ ନମ୍ବର ୱାର୍ଡରେ ଏଭଳି ଅଘଟଣ ଘଟିଛି। ଖଣ୍ଡା ତଲୱାର ଧରି ଦୁଇ ଗୋଷ୍ଠୀ ପରସ୍ପରକୁ ଆକ୍ରମଣ କରିଛନ୍ତି। ଏପରିକି ପଥର ମାଡ଼ ମଧ୍ୟ ହୋଇଥିବା ଅଭିଯୋଗ ହୋଇଛି। ତେବେ ଖବର ପାଇ ଭୁବନ ପୋଲିସ ଘଟଣାସ୍ଥଳରେ ପହଞ୍ଚି କୌଣସି ପଦକ୍ଷେପ ଗ୍ରହଣ ନକରି ଚାଲିଯାଇଥିଲା। ଯାହାଫଳରେ ଲୋକମାନଙ୍କ ମଧ୍ୟରେ ଆହୁରି ଅସନ୍ତୋଷ ବଢିଛି। କାମାକ୍ଷାନଗର ଏସଡିପିଓ ଆଜି ଘଟଣାସ୍ଥଳକୁ ଯାଇ ତଦନ୍ତ କରିବେ ବୋଲି ସୂଚନା ମିଳିଛି।