ଭୁବନେଶ୍ୱର: ଓଡିଶାରେ ପହଞ୍ଚିଲା ଦେଢ ଲକ୍ଷ କୋଭାକ୍ସିନ୍ ଟିକା । ୧୮ରୁ ୪୪ ବର୍ଷ ବୟସ୍କଙ୍କ ପାଇଁ ଏହି ଟିକା ଆସିଛି। ୩ ତାରିଖରୁ ଭୁବନେଶ୍ୱରରେ ଦିଆଯିବ ଏହି ଟିକା। ଇଣ୍ଡିଗୋ ବିମାନରେ ଏହି ଟିକା ସବୁ ପହଞ୍ଚିଥିବା ସୂଚନା ମିଳିଛି। ସୋମବାରରୁ କେବଳ ବିଏମ୍ସି ଅଞ୍ଚଳରେ ହେବ ଟିକାକରଣ । ମେ ପହିଲାରୁ ପରୀକ୍ଷାମୂଳକ ଭାବେ କିଛି ସ୍ଥାନରେ କରାଯିବ ଟିକାକରଣ ବୋଲି ଜଣାପଡ଼ିଛି।
ତେବେ ରାଜ୍ୟରେ ସାଂଘାତିକ ହୋଇଛି କରୋନା ସଂଜୀବନୀ ସଙ୍କଟ। ଏମିତି ତ ୬ଲକ୍ଷ ଲୋକଙ୍କୁ ସେକେଣ୍ଡ ଡୋଜ୍ ଦେବାକୁ ଟିକା ନାହିଁ, ତେଣେ ଆସନ୍ତାକାଲିଠୁ ଯୁବବର୍ଗଙ୍କୁ ଟିକାକରଣକୁ ନେଇ ବି ସୃଷ୍ଟି ହୋଇଥିଲା ଦ୍ୱନ୍ଦ୍ୱ। ପରିବାର କଲ୍ୟାଣ ନିର୍ଦ୍ଦେଶକ ସଫା ସଫା କହିଥିଲେ-କେନ୍ଦ୍ରରୁ ଟିକା ଆସିବା ପରେ ଯାଇ ଲୋକଙ୍କୁ ଦିଆଯିବ। ତାସହ ଶନିବାର ଓ ରବିବାର ସଟଡାଉନ୍ ଥିବାରୁ ରାଜ୍ୟରେ ଟିକାକରଣ ବନ୍ଦ ରହିବ। ତେଣେ ଟିକା ନଥିବାରୁ ଆଜି ମଧ୍ୟ ରାଜ୍ୟର ବିଭିନ୍ନ ସ୍ଥାନରେ ଟିକାକରଣ କେନ୍ଦ୍ରରେ ତାଲା ଝୁଲିଥିଲା। ଏଣେ ଦୈନିକ ସଂକ୍ରମଣରେ ରାଜ୍ୟ ସବୁ ପୁରୁଣା ରେକର୍ଡ ପାର୍ କରି ୯ ହଜାର ମୁହାଁ ହୋଇଛି। ଗତ ୨୪ ଘଣ୍ଟାରେ ଆଉ ୧୪ଜଣଙ୍କ ଜୀବନ ଯାଇଛି।
More Stories
୨ଟି ରାଜ୍ୟର ଅଧ୍ୟକ୍ଷ ଓ ୬ଟି ରାଜ୍ୟର ପ୍ରଭାରୀ ନିଯୁକ୍ତ କଲା ବିଜେପି
କୌଣସି ପ୍ରସଙ୍ଗରେ ବିଜେପିକୁ ସମର୍ଥନ କରିବା ନାହିଁ ବିଜେଡି
ଜୁନ ୨୫କୁ କଳା ଦିବସ ପାଳନ କରିବ ବିଜେପି