“ବିଏମ୍ସିରେ କୋଭିଡ୍ ବେଡର ଅଭାବ ନାହିଁ”

ସେହିପରି ୫୩୬ଟି HDU ବେଡ୍ ମଧ୍ୟରୁ ୫୦ ପ୍ରତିଶତ ରୋଗୀ ଚିକିତ୍ସାଧୀନ ଅଛନ୍ତି। ଏହାସହ ସାଧାରଣ ବେଡର ୫୦ ପ୍ରତିଶତ ଖାଲି ପଡ଼ିଛି ବୋଲି ସୂଚନା ଦେଇଛନ୍ତି କମିଶନର। ଭୁବନେଶ୍ୱରର ୮୫% ଆକ୍ରାନ୍ତ ଘରେ ଆଇସୋଲେସନରେ ଅଛନ୍ତି। ପ୍ରତି ଓ୍ୱାର୍ଡର RRT ଆଇସୋଲେସନରେ ଥିବା ଆକ୍ରାନ୍ତଙ୍କୁ ନଜର ରଖିଛନ୍ତି ବୋଲି କମିଶନର କହିଛନ୍ତି।

ଏହାସହ ଲକ୍ଷଣ ଦେଖାଇଲେ ଟେଷ୍ଟ କରାନ୍ତୁ ବୋଲି ଭୁବନେଶ୍ୱବାସୀଙ୍କୁ ବିଏମ୍ସି କମିଶନର ଦେଲେ ପରାମର୍ଶ। ଲକ୍ଷଣ ଦେଖାଇଲେ ଟେଷ୍ଟ କରାଇବାକୁ ଅନୁରୋଧ ବି କଲେ। ଲକ୍ଷଣ ଥିବା ଲୋକ ଟେଷ୍ଟ ନ କରାଇ ବାରମ୍ବାର ବିଏମ୍ସିର ହେଲ୍ପ ଲାଇନ୍ ନମ୍ବରକୁ ବାରମ୍ବାର ଫୋନ୍ କରୁଛନ୍ତି ବୋଲି କମିଶନର କହିଛନ୍ତି। କେବଳ ଏତିକି ନୁହେଁ ବରଂ ଲକ୍ଷଣ ଦେଖାଗଲେ ତୁରନ୍ତ ଟେଷ୍ଟ କରିବାକୁ କହିଲେ କମିଶନର। ରାଜଧାନୀରେ ୧୧ଟି ଘରୋଇ କୋଭିଡ୍ ଟେଷ୍ଟ ଲାବୋରେଟାରୀ ଅଛି। ତେଣୁ ସେଠାରେ ପରୀକ୍ଷା କରିବାକୁ ସେ ସମସ୍ତଙ୍କୁ ଅପିଲ କରିଛନ୍ତି। କରୋନା ନିୟମ ପାଳନ କରିବାକୁ ମଧ୍ୟ ସେ ସମସ୍ତଙ୍କୁ ଅନୁରୋଧ କରିଛନ୍ତି।