March 27, 2024

Satya News

odia news channel

ନିର୍ଭୟା ମାମଲା: ସାନି ଡେଥ୍ ୱାରେଣ୍ଟ୍ ଜାରି ପାଇଁ ନିମ୍ନ ଅଦାଲତଙ୍କୁ ସୁପ୍ରିମକୋର୍ଟଙ୍କ ଅନୁମତି

ନୂଆଦିଲ୍ଲୀ,୧୨/୨: ନିର୍ଭୟା ଗଣଦୁଷ୍କର୍ମ ଓ ହତ୍ୟା ମାମଲାରେ ୪ ଦୋଷୀଙ୍କ ଡେଥ୍ ୱାରେଣ୍ଟ୍ ଉପରେ ରହିତାଦେଶ ନେଇ ଦିଲ୍ଲୀ ହାଇକୋର୍ଟଙ୍କ ରାୟକୁ କେନ୍ଦ୍ର ଓ ଦିଲ୍ଲୀ ପୋଲିସ ସୁପ୍ରିମକୋର୍ଟରେ ଚାଲେଞ୍ଜ୍ କରିଥିଲେ। ସୁପ୍ରିମକୋର୍ଟର ବିଚାରପତି ଜଷ୍ଟିସ୍ ଆର୍ ଭାନୁମତୀଙ୍କ ନେତୃତ୍ୱରେ ଗଠିତ ୩ ଜଣିଆ ଖଣ୍ଡପୀଠ ଏହି ଆବେଦନର ଶୁଣାଣି କରି ୪ ଦୋଷୀଙ୍କ ବିରୋଧରେ ସାନି ଡେଥ୍ ୱାରେଣ୍ଟ୍ ଜାରି କରିବା ଲାଗି ସରକାରଙ୍କୁ ନିମ୍ନ ଅଦାଲତରେ ଆବେଦନ କରିବାକୁ ମଙ୍ଗଳବାର ଅନୁମତି ଦେଇଛନ୍ତି। ସଲିସିଟର ଜେନେରାଲ ତୁଷାର ମେହଟା ଖଣ୍ଡପୀଠ ଆଗରେ କେନ୍ଦ୍ର ଓ ଦିଲ୍ଲୀ ସରକାରଙ୍କ ପକ୍ଷ ରଖିଥିଲେ। ଏହି ପରିପ୍ରେକ୍ଷୀରେ ସର୍ବୋଚ୍ଚ ଅଦାଲତ ୪ ଦୋଷୀଙ୍କୁ ସେମାନଙ୍କ ପକ୍ଷ ରଖିବା ପାଇଁ ନୋଟିସ୍ ଜାରି କରଛନ୍ତି। ଉଲ୍ଲେଖଯୋଗ୍ୟ, ଫେବୃଆରୀ ୧ ସକାଳ ୬ଟାରେ ୪ ଦୋଷୀଙ୍କୁ ଫାଶୀଦଣ୍ଡ ଦିଆଯିବାକୁ ଥିଲାବେଳେ ଗତ ଜାନୁଆରୀ ୩୧ରେ ଦିଲ୍ଲୀ କୋର୍ଟ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ଏହାକୁ ଘୁଞ୍ଚାଇ ଦେଇଥିଲେ। ସେହିଦିନ ସୁପ୍ରିମକୋର୍ଟ ଅନ୍ୟତମ ଦୋଷୀ ପବନ ଗୁପ୍ତାର ନାବାଳକ ସମ୍ପର୍କିତ ଆବେଦନକୁ ମଧ୍ୟ ଖାରଜ କରିଥିଲେ।

Spread the love